СТАКАЧИТНЕСТЭ – ИЗНЯВКСТНЭС

 

Ютась малав ие се шкастонть, кода «Надежда» приютонь важодицятне лиссть изницякс «Семья: от кризиса к успеху» проектэнть коряс, конань яволявтызе Эрямонь кажос понгозь эйкакштненень лезксэнь максомань фондось. Те проектэнть вельде ветяви профилактикань робота сеть семиятнесэ, косо эйкакштне тетянь-авань пингстэ кадовсть вановттомо. Неень шкане те учреждениясонть лезкс максови 50 ламо семиятненень. Эйкакштнень тонавтыть лезэвстэ ютавтомо юткошкаст, муемс кель-вал масторлангсо сехте малавикс ломантнень – тетятнень-аватнень марто вейсэ улемстэ.

Ризксэнтень, течи улить истят ламо семият, косо ёмавтовить вере ледстязь питнейчитне. Виде, семиясо ков седе шожда лоткавтомс апаро тевтнень, бути тетясь-авась чалгасть нолажа килангс. Сынст стака таргамс отьмасто. «Семья: от кризиса к успеху» проектэсь анокставсь ды идевсь истят ломантнень туртов.

«Надежда» приютонь важодицятне покш мельспаросо вастызь эйкакштнень идемань проектсэнть изнямонть, эдь сонзэ топавтомс те учреждениянтень явовсь грант.

Чарькодеви, эйкакшонть обуцясь, эряви меремс, кемекстави семиясо, а истят учреждениятнес ламот сыть эрямонть лангс кежиявтозь, тетянь-авань лембенть ёмавтозь. Кода эрси, сынь эзть тонадо покштнень кунсоломо, кудоютконь тевень топавтомо, эсь мельгаст якамо.

Нама, бути те проектэнть вельде ванстовить кадык аволь пек ламо эйкакшт, ялатеке лезэсь а ёвтавияк кодамо покш.

Те документэнть лангсо важодемстэ вешневсть семият, косо аволь весемесь юты валанясто. Васняяк, мельс саевсть аволь пешксе семиятне, косо ули ансяк ава эли тетя. Ды сеть, кить сеедьстэ «кренчень веденть» копорить, косо касыть колмо ды седе ламо эйкакшт. Кода свал эрси, истят семиятнесэ а сатыть ярсамопелень рамамс ярмакт, а мезть кортамс оршамопельде, содамочинь кастомадо, юткошкань парсте ютавтомадо. Истятнэнь туртов, косо арасть эрямонь паро условият, панжови социальной приёмной, лиякс меремс, тарка, косо максови тенст питневтеме психологиянь эли юридической лезкс.

Тетятнень-аватнень ютксто (сехте пек симицятнень) а содытькак, государствась сынст туртов анокстась специальной программат, конатнень вельде максови тенст лезкс. Тень юткс совавтови «Семья: от кризиса к успеху» проектэсь. Социальной приёмнойсэ сыненст максови эрьва ёнксонь лезкс. Невтемга, толковасызь, мезе эряви теемс васень шкастонть, кинень эряви пшкадемс документэнь анокстамсто. Лездыть эйкакштненень оршамопелень коряс. Сехте эрявиксэсь жо – тесэ свал анокт кунсоломс эйкакштнень мелест-арсемаст, лездамс велявтомс вечкеманть тетяст-аваст туртов.

Программань семиянтень-участникентень вейсэндяви те учреждениянь важодиця – эрьва тевест мельга ваныця ды лездыця. Сынст лангс путови покш ответственность варчнемс кудосо, тердтнемс весе кевкстематнень коряс «Надежда» приютс, вейсэ арсемс ды кемекстамс аравтлув семиясо уликс стакачитнень изнямга. Лиясто семиянтень саты ве ёндонь лезксэсь вейке-вейкень марямга, лангс ваномс вишка аладямонть изнямга.

Тетяст-аваст марто эйкакштне ульнесть иппотерапиянь занятиятнесэ (лишме лангсо ардтнесть), нурсесть парконь аттракционтнэсэ, укшность бассейнасо.

«Надежда» приютсонть покш мель явить стакасто эриця эйкакштненень ды сынст тетяст-аваст духовно-нравственной воспитаниянть эрямос совавтомантень. Те учреждениясонть ули ознома тарка, косо пурназь православиянь Ине Пазаватне, ванстови ламо духовной литература. Весе покшчитнестэ тов сакшныть священнослужительть. Сеедьстэ тосо эрсить Феодор Санаксарский лемсэ храмонь настоятелесь отец Георгий, Саранскоень епархиянь секретаресь Виктор Хохлов, Казанень Пазонь Авань лемсэ храмонь настоятелесь отец Георгий ды ламо лият. Священнослужительтнень марто кортамотне лездыть аволь ансяк кемемс Пазонтень, истя жо эсь вийтнес, вандынь валдо чинтень. Астувтовиксэкс кадовить ине таркатнева якамотне.

* * *

Аволь умок «Надежда» приютонь важодицятне вейсэ эйкакштнень ды сынст тетяст-аваст марто ульнесть Свято-Троицкой Серафимо-Дивеевской тейтерьавань монастырьсэ, конась сови Рузонь Православиянь Церьковань Нижегородской епархиянтень. Экскурсияв сыргамодо икеле эйкакштненень ламо лембе валт ды паронь арсемат ёвтась «Республиканский социальный приют для детей и подростков «Надежда» МР-нь  социальной обслуживаниянь государствань казённой учреждениянь прявтось Т.В.Барашихина.

Пазонь баславамонь валт ёвтась Казанень Пазонь Авань лемсэ храмонь настоятелесь отец Георгий, кие истя жо якась эйкакштнень марто покш килангов. Серафимо-Дивеевской монастырьсэ улемстэ эйкакштне ды сынст малавикстнэ сюконясть Иневанькс Серафим Саровскоень пелькстнэс (мощатнес), экшелясть сонзэ лисьмапрясо, ознома вал марто ютасть Пазонь Авань кияванть, конась лемдеви  канавкакс, кирвазтсть штатолт, ловность молитват. Священнослужителенть пельде кармасть ламо содамо те иневанькс ломаненть эрямодонзо.

А ёвтавияк  кодамо  мазычи, оймамо ды ёжомарямонь кепедема ульнесь эрьва тов молицянть оймесэ. Экскурсияв сыцятне эсь сельмесэст неизь, кода ломантне састь тов лездамо, пидесть-пансть ды андсть паломниктнень, кавшакавтсть-валность цецятнень-куракштнень.

Мельспаросо савсь редямс, кода эйкакштне сэтьместэ ветясть пряст храмтнесэ, кемезь сюконясть ликтненень, неявсь, кода сынь эсь потмоваст энялдсть эрямост паролгавтомга, озность малавиксэст виде килангс стямга ды, паряк, кудов тиринь семияс парсте эрямо велявтомга. Весемева чарькодевсь, кодамо покш путовкс кандсь духовно-нравственной сюпалгавтомасо Свято-Троицкой Серафимо-Дивеевской тейтерьавань монастыренть содавтомась. Одов килангось марявсь седеяк  нурькинекс, эдь эрьванть седейсэ виевгадсь кемемась, конась сюлмавсь вандынь уцяскав эрямонть марто.

 

В.Юдина

 
По теме
Ковылкинская межрайонная прокуратура в судебном порядке добивается признания информации запрещенной к распространению - Прокуратура Ковылкинской межрайонной прокуратурой в ходе мониторинга сети «Интернет» выявлены сайты, на которых размещалась информация о том, как приобрести водительское удостоверение, диплом об образовании, оформить фиктивную регистрацию,
21.09.2018
 
 
Завершено расследование уголовного дела об обрушении лестничного марша в строящемся многоквартирном жилом доме, в результате которого погибли три человека - Следственный комитет Отделом по расследованию особо важных дел Следственного управления Следственного комитета России по Республике Мордовия завершено расследование уголовного дела,
21.09.2018 Следственный комитет
Саранск увидел «Семь красавиц» - Вечерний Саранск   В минувшее воскресенье Музыкальный театр имени И.М. Яушева открыл 83-й сезон, открыл премьерой балета «Семь красавиц» азербайджанского композитора Кара Караева - музыканта,
21.09.2018 Вечерний Саранск
Выставочный зал на Советской, 29, недавно открывшийся после реконструкции, принял летний вернисаж художников Мордовии.
21.09.2018 Вечерний Саранск
 В Саранске стартует очередной театральный сезон Точнее, он уже стартовал.
21.09.2018 Газета Мордовия
80 минут в меньшинстве - ФК Мордовия ФК «МОРДОВИЯ» Саранск - «АВАНГАРД» Курск - 1:4 Голы: 0:1 - Роман Акбашев (11), 0:2 - Александр Трошечкин (34), 0:3 - Михаил Земсков (69), 1:3 - Михаил Маркин (86), 1:4 - Вадим Стеклов (90+2).
19.09.2018 ФК Мордовия
ПОЦЕЛУЙ ТЫ НАС, УДАЧА! - Вечерний Саранск Сегодня «Мордовия» скрестит шпаги с «Авангардом»     Уступив дважды подряд в Саранске, «Мордовия» компенсировала утраченное, одержав две подряд гостевые победы.
21.09.2018 Вечерний Саранск
«Мордовия» обкатала состав в матче с недавними юниорами   Большой хоккей вернулся в Саранск.
21.09.2018 Вечерний Саранск
В тройке лидеров - «Плайтерра», МГУ и «Ватт»   Финальный турнир чемпионата Мордовии стремительно набирает обороты.
21.09.2018 Вечерний Саранск
Мордовские велоэкстремалы в составе сборной России выступали на международных соревнованиях Omsk Open 2018, где завоевали в общей сложности пять медалей.
21.09.2018 Вечерний Саранск
alt - Министерство образования Сегодня , 21 сентября, в РДК открылся окружной фестиваль по поддержке детских домов и социальной адаптации детей, оставшихся без попечения родителей Приволжского федерального округа «Вернуть Детство».
21.09.2018 Министерство образования
В Ледовом дворце Саранска "Мордовия-Юниор"  откроет сезон матчем с ХК "Камета" - Вестник Мордовии     В предстоящую субботу на арене Ледового дворца в Саранске хоккейная команда "Мордовия-Юниор" проведет первый матч в рамках Первенства ПФО по хоккею среди юниоров до 18 лет,
21.09.2018 Вестник Мордовии