Сехте партнэнень – якстере дипломт


М.Е.Евсевьев лемсэ пединститутсо ютась покш кенярксчи – выпускниктненень явшесть якстере дипломт. Тедеде чинь отделениянть прядызь малав 700 студентт. Сынст ютксто 153 – якстере диплом марто. Ламот эйстэст Раськеютконь, Весероссиянь эрьва кодамо пелькстамонь изницят. Лембе вал марто выпускниктненень пшкадсь МР-нь Государственной Собраниянь Председателесь В.В.Чибиркин:
– Тонавтнемань вете иетне ютасть прок вейке чи, конась кадови мельс эрямонь перть. Тынь тонавтниде истямо шкасто, зярдо образованиясо мольсть паро ёнов полавтомат, одкстомтомат. Течи тенк максозь сехте вадря профессиянь диплом – тонавтыцянь. Тонавтыцянь лемесь свал канды покш смусть. Зярдо мольтядо школав, кадык учить эйсэнк тёжат эйкакшт, конатненень макстадо паро содамочить. Паро ули, бути поладтадо важодеме наукасо.
В.В.Чибиркин казсь пединститутонь коллективентень Благодарность ды 80 тёжат целковоень покшолмасо сертификат, кона алтави спортинвентарень рамамс.
Теде мейле вал сайнесь М.Е.Евсевьев лемсэ МГПИ-нь ректорось В.В.Кадакин. Сон тешкстызе, тедеде вузось нолдась ламо бакалаврат ды магистрат. Васенцеде нолдась средней специальной образования марто специалистт: начальной классонь тонавтыцят ды эйдень кужонь воспитательть. Содазь, сехте покш мелявксось – те важодема таркань муемась. Пединститутось ламо иень перть бажи муемс выпускниктнень туртов важодема. Тедедеяк лиссть 200 вакансият. Эряви меремс, вузонь кой-кона прядыцятне покш мельсэ уш важодить школасо. Ламот сыргить тонавтомо школав кода эсенек республикасо, истя жо шабра ёнксов.
– Тынь тесэ – минек вузонь сырнень фондось, – каштансто яволявтсь В.В.Кадакин. – Эрьванть шнавлия, эрьвадонть ули мезе ёвтамс. Кадык эрямосонк топавтовить весе меленк-бажамонк!
Т.Маторкина

 
По теме
В Саранске на заседании комитетов Госсобрания по социальной политике и экономике, промышленности и предпринимательству обсудили организацию летнего отдыха и трудоустройства детей и подростков.
Экспертное злоключение - Столица С Перед Пролетарским райсудом предстал 35-летний сотрудник Республиканского бюро судебно-медицинской экспертизы Евгений Талышкин.
Столица С
56-ZwtMWG4A - Национальная библиотека им. А.С. Пушкина 27 марта сотрудники Национальной библиотеки им. А. С. Пушкина Республики Мордовия приняли участие в занятиях, которые прошли в рамках программы курсов повышения квалификации «Современная библиотека:
Национальная библиотека им. А.С. Пушкина