ТРУДОНЬ РЫНКАНТЬ ЛАНГС – 315 МИЛЛИОНТ

 

Ютазь пецясто Мордовия Республикань Госсобраниянь депутаттнэ пуромкшность ветеце тердемань 41 сессиязост. Тосо ульнесть МР-нь Прявтось В.Д.Волков, МР-нь Правительствань Председателесь В.Ф.Сушков,  Главной федеральной инспекторось М.С.Сезганов, Саранск ошонь Администрациянь прявтось П.Н.Тултаев, республикань районтнэнь прявттнэ, федеральной ды Мордовиянь министратне, силовой структурань представительтне. Сессиянть панжизе ды ветясь МР-нь Госсобраниянь Председателесь В.В.Чибиркин.

Чинь повесткас совавтозельть кемень кевкстемат. Васенцекс ванкшновсь «2015 иес ды 2016-2017 иетнес МР-нь республикань бюджеттэ   «МР-нь Закононтень полавтоматнень совавтомадо» Мордовия Республикань законопроектэсь. Сонзэ коряс пачтямо тейсь МР-нь Финансонь министрась А.Ю.Симонов. Алексей Юрьевич пачтясь седе, минек республикас сась ярмаконь лезкс федеральной центрасто 395 миллионт целковоень покшолмасо. Эйстэст седе ламонть – 315 миллионт целковойтнень, арсеви ютавтомс трудонь рынкасо стакачитнень витемс. Неть ярмактне, васняяк, максовить сеть ломантнень тонавтневтемс, кить кадовсть тевтеме, нурька шкас важодема таркань муемс. Истя жо лезкс карми максовомо велень хозяйствань комплекстнэсэ тевтнень виевгавтомс. Невтемакс, сынь ютавтовить кредитэнь процентэнь ставканть вельтямс, ракшань трямонь-кастомань семиянь ферматнень виевгавтомс, крестьянско-фермерэнь хозяйстватнень панжомс.

Аволь умонь даволось кандсь ламо ризкст-мелявкст республикань велетнесэ эрицятненень. Неть стакачитнень витемс явовить 5 миллионт целковойде седе ламо. Малав кемень миллионт целковойть арсеви максомс сеть ломантненень, кить понгсть радиациянь кажонтень.

Аволь аламо ярмакт максовить оштнень ды велетнень юткова якиця автобустнэнь кирдемс.

МР-нь Госсобраниянь Председателень полавтыцясь – Бюджетэнь, финансонь ды налогонь коряс комитетэнь прявтось С.Ф.Сорокин ёвтась мелявтома республикасонть зарплатанть кепедеманзо стакачинть коряс. Сергей Фёдорович ледстясь ютазь иень ды тедедень цифрат. Сонзэ вановтонзо коряс, эряволь бу седе пек кепедемс важодиця ломантнень зарплатаст.

Сессиясонть ванкшновсь ды кемекставсь «2014 иень МР-нь медицинань страхованиянь территориянь обязательной фондонь бюджетэсь». Те документэнть коряс толковамот тейсь МР-нь Здравоохранениянь министрань васенце полавтыцясь Е.А.Степанова. Истя жо кемекставсь МР-нь Счётной палатанть 2014 иестэ важодемазо.

Велень ломантнень эрямост паролгавтомадо,  эрицятненень лезксэнь максомадо пуромозтнень икеле кортась «Ключ-Сузгарьевский» хозяйствань прявтось, МР-нь Госсобраниянь депутатось Н.Б.Амбаев.

Меельце шкастонть минек эрицятнень талновты эрямонь-коммунальной хозяйствань услугатнень пандомсто витнема тевтнень (капитальной ремонтонть) коряс кевкстемась. Ламот эрицятнень ютксто те услуганть кисэ пандыть а мельсэ.

МР-нь Эрямонь-коммунальной хозяйствань ды эрицятнень гражданской ванстомань министрась А.М.Тюркин макссь толковамот те кевкстеманть коряс.

Сессиясонть истя жо ванкшновсть ламо лия кевкстематкак.

 

В.Юдина

Экспертное злоключение - Столица С Перед Пролетарским райсудом предстал 35-летний сотрудник Республиканского бюро судебно-медицинской экспертизы Евгений Талышкин.
Столица С
56-ZwtMWG4A - Национальная библиотека им. А.С. Пушкина 27 марта сотрудники Национальной библиотеки им. А. С. Пушкина Республики Мордовия приняли участие в занятиях, которые прошли в рамках программы курсов повышения квалификации «Современная библиотека:
Национальная библиотека им. А.С. Пушкина