Мордовия Республикань Прявтось Владимир Волков» «Минь седе товгак карматано вейсэ важодеме, лездамо общественной сеть организациятненень, конат а аштить ве таркасо, вадря ёндо невтить эсь пряст»

Июнень 29-це чистэ И.М.Яушевень лемсэ Государственной музыкань театрасонть ютавтовсь «Гражданское общество Республики Мордовия: диалог власти и общества» Гражданской форумось, конась алатазель МР-нь Общественной палатанть теевема чистэнзэ 10 иетнень топодемантень.
Форумонтень сакшность Мордовиянь Прявтось Владимир Волков, МР-нь Правительствань Председателесь Владимир Сушков, Мордовиянь правительствань члентнэ, республикань общественной организациятнень ды политической движениятнень, бизнес-структуратнень важодицятне, истя жо МР-нь Общественной палатань весе тердематнень члентнэ ды лият.
Залонтень пурнавозетнень икеле кортамсто, МР-нь Прявтось тешкстызе, форумонтень састь сеть ломантне, конат пиить-палыть масторонть ды республиканть уцяскаст кисэ. Те невти, Россиянь вейсэндявомань ламо пингень койтне эрить. Вейсэтяно – ине историянть ды культуранть ванстомасо. Вейсэтяно – аноксчисэ ванстомс сень, мезесь питней эрьванть туртов – Тиринь масторонть сэтьмечись, минек вандынь чись.
«Гражданской обществасонть путозь покш потенциал икелев молеманть туртов. Масторонь кирдийтнень мелест коряс Россиянь обществанть одкстомтомась – технологиянь, социальной, политической – кодаяк а топавтови гражданской участяивтомодонть, властенть ды обществанть ютксо вейсэнь важодеманть виевгавтомадонть, - мерсь Владимир Волков. – Неень шкане Мордовиясо важодить малав 1400 аволь коммерческой организацият, сынст ютксо малав 600 общественной вейсэндявкст ды 500 – религиянь организацият, 43 политической партият».
Аволь коммерческой оранизациятнень тевдеемаст мельга ванны Мордовия Республикань Общественной палатась. Тесэ вейсэнь кортамо партиятне, общесвтенной вейсэндявкстнэ ветить властень органтнэнь марто.
Сонзэ юрсо ветявить панжадо кунсоломат социальной пшти кевкстематнень коряс.
Гражданской обществань институтнэнь тевест ладямост коряс пурназь ды важодить общественной Советт Мордовия Республикань Прявтонть, властень исполнительной весе органтнэнь пингстэ.
Регионсонть социальной партнёрствань политиканть топавтомасо покш талика саи Профсоюзонь федерациясь. Республикань аволь коммерческой секторсонть улить ветеранонь, од ломанень, инвалидэнь, правань ванстомань ды экологиянь вейсэндявкст. Ламотнень улить филиалост районтнэсэ ды сынест явови лезкс властень органтнэнь пельде.
«Республикань виевгавтомань прявт ёнкссокс ашти ламо раськетнень ды конфессиятнень ютксо сэтьмечинь ванстомась. Неень шкань Мордовиянть чачосонзо невтезь Рассиянь малав весе раськетне, - мерсь Мордовиянь Прявтось. – Тесэ эрить 119 раськень ломанть. Ютавтови покш важодема рузонь, эрзянь-мокшонь, татаронь ды лия раськетнень историяст тонавтнеманть, культуратнень ды койтнень-кирдатнень сюпалгавтомаст коряс. Мордовиясь ловови финнэнь-угрань движениянь куншкакурокс.
Секскак раськень вейсэндявкстнэ примить участя республикань политикань ды социально-экономической эрямосонть.
Гражданской обществань покш пелькс саить религиянь вейсэндявсктнэ, сынст тевдеемаст аравтозь оймень питнейчитнень, Россиянь государстванть историянь сюпавчинть ванстомантень».
Тешкстазель, Мордовиясо теевсь вадря коекс ютавтомс од ломанень регионъютконь лагерть, научно-практической пазонь валонь ловномань конференцият, православиянь ды мусульманонь од ломанень пурнавомат.
2015 иестэнть республикасонть редявикс тевекс кармась Московонь ды весе Русень Патриархонть Кириллэнь самось, Саранскойсэ сон светизе Кириллэнь ды Мефодиень лемсэ од храмонть.
В.Д.Волковонь валонзо коряс, неень шкастонть пек эрявикс ломантнень вейсэндявомась, обществасонть патриотизмань ёжонть виевгавтомась. Тесэ башка тарка саить сеть организациятне, конат пурназь Россиянь Президентэнть В.В.Путинэнь мелензэ коряс.
«Покш мель явови Весероссиянь Народной Фронтонтень, конань тевдеемазо кармась эрицятнень ванномань-проверямонь лезэв инструментэкс. Просветителень важодемасонть кемевикс юронть туртов теезель «Знание» Весероссиянь обществань региононь отделениясь. Покш кить панжовить Россиянь школасо тонавтницятнень вейсэндявксонть икеле, конань прявт смустезэ – патриотизмань, созиданиянь ды шкинемань лувсо эйкакштнень трямось-кастомась, - тешкстызе Мордовиянь Прявтось. – Башка тешкстаса Рузонь географической обществанть ды Россиянь военно-исторической обществанть республикань отделениятнень. Географической обществась вейсэнди ломантнень пек эрявикс ды лезэв тевтнень перька, касты меленть тиринь масторонть ды республиканть, пертьпельксэнь сюпавчинть тонавтнемантень, лезды эрицятнень экологической воспитаниянтень. Кенярдовты, неть проектнэс бажить понгомс пек ламо ломанть, седе сеедьстэ – одтнэ».
Патриотизмань лезэв важодема топавты Военно-исторической обществань мордовиянь отделениясь. Сон вейсэндинзе учёнойтнень-историктнень, шкинемань вейсэндявкстнэс совицятнень, ветерантнэнь, вешницятнень, исторической реконструкциянь клубтнень.
«Тынь содатадо-арась, те организациянть васенце тевекс кармась Мирэнь васенце войнань геройтненень - минек ёнкссо чачозетненень Саранскойсэ памятникень путомась. Течи те памятникесь совавтозь ошонь сехте содавикс таркатнень юткс», - толковизе Владимир Волков.
Военно-патриотической воспитаниянь мобильной системань теемстэ течи примит участия гражданской обществань весе структуратне. Прявт тарка те важодемасонть саи «Поиск» Мордовиянь патриотической вейсэндявксось ды «Броня» архивень-вешнемань группась. Республикасонть вешнемань тевтнесэ важодить малав кавто тёжат ломанть.
Покш тарка саить ветеранонь организациятне. Покш лезкс явить «Боевое братство», ДОСААФ, организациятне, «Дети войны» общественной движениясь, «Свято-Предтеченское» и «Троицкое» казаконь вейсэндявкстнэ. Мордовиясо важодить кадетэнь ды казаконь класст. Тёжат цёрынькат ды теётерькат невтить пряст зарницатнесэ, слётнэсэ, максыть ГТО-нь вешематнень. Неть вейсэндявкстнэнь важодемань прявт ёнкссокс ловови Ине Отечественной войнась Изнямосонть минек раськенть таликанзо невтемась.
«Ули мелев башка тешкстамс «Бессмертный полк» движениянть. Тедеде маень 9-це чистэнть акциясонть примасть участия Мордовиянь 50 тёжадо ламо эрицят. Те ульнесь редявикс, мельс кадовиця, виев, секе шкастонть – эрьва участникенть туртов эсест тевекс, - тешкстызе МР-нь Прявтось – Минь ванкшнотано од ломантнень социальной ёрокчист туртов лезксэнь явоманть. «Те прявт «инвестицият сы шкантень». Мордовиянь од ломанень вейсэндявкстнэ аравтыть эсь тевдеемаст покш проектнэнь лувсо. Ютавтыть мероприятият весе республиканть келес.
Ули мелем тешкстамс, од ломантнень прявт вейсэндявкстнэнь ютксо вейкесь – Мордовиянь студентэнь отрядтнэ тедеде тешкстыть пель пингень юбилеест.
Республикасонть ламолгадыть од ломантне, конат бажить понгомс волонтёронь тевдеемантень. Те ёнкссо течи важодить 60 тёжадо ламо ломанть! Ютавтыть паро тевень акцият, лездыть войнань ды трудонь ветерантнэнень.
Волонтёртнэ – 2018 иень футболонь коряс мирэнь чемпионатонтень анокстамонь программань прявт пелькс. Анокставить малав 3,5 тёжат ломанть».
Меельце иетнестэ эрицятнень мельга внномань ёнксокс кармась Интернетэсь. Тесэ сеедьстэ теевить эрьва кодат вейсэндявкст, максовить общественной важодемань од ёнксст.
Ансяк властесь ды бизнесэсь учить НКО-нть пельде, васняяк, алкуксонь, аволь виртуальной важодема эрицятнень марто.
Властенть ды гражданской обществанть ютксо сюлмось лезды ветямс истямо политика, конась карми топавтомо ламотнень мелест. Те – обществань сорновтоматнеде «надобия».
Гражданской обществань теевемань прявт ёнксось – виев СМИ-тнень кемекстамось. Самай СМИ-тне тердест ломантнень общественной тевдеемантень, невтест гражданской институтнэнь вадря ёндо.
Владимир Волковонь валонзо коряс, башка мель эряви явомс общественной организациятненень государственной лезксэнь максомань кевкстемантень. Эрьва иестэ ламолгавтовить грантонь пелькстамотне НКО-тнень туртов. Одкстомтови нормативно-правовой базась. Проектэнь виев тевдееманть вельде кассь общественной вейсэндявкстнэсэ важодицятнень маштомачист.
«Минь седе товгак карматано ёроковсто важодеме, лездамо, кортамось моли ярмактнедеяк, общественной сеть организациятненень, конат а аштить вейке таркасо, ды вадрясто невить прясост. Васняяк, кортамось моли аватнень ды эйкакшпорань ванстомань, сыре ломантненень ды инвалидтнэнень лездамонь, ламо раськетнень ды конфессиятнень ютксо сэтьмечинь ванстомань программатнеде, наукасо, образованиясо, здравоохранениясо, экологиясо ды эрямонь шумбра лувонь ванстомасо, од ломантнень партиотической лувсо кастомасо тевдеемадонть, - мерсь республикань Прявтось. – Ламо иетнень перть те ёнкссо лезэв важодемадонть корты Мордовиянь эрицятнень ламо вайгелест максомась президентэнь кочкамотнесэ ды Государственной Думань депутатнэнь кочкамотнесэ.
Неень шкане ушодовсь 2016-2018 иень кочкамонь од кампаниясь. Миненек одс эряви невтемс минек вейкетьксчинть, масторонть ды республиканть туртов кочкамотнень эрявиксчинть чарькодеманть. Сынст результатнэ кармить минек обществанть аноксчинзэ невтемакс.
Эсест кочкамотнень эряви ютавтомс панжадосто ды видестэ. Неень шкане Мордовиясо тешкстазь 40 ламо политической партият.
Башка тарка республикань эрицятнень вейсэндямосонть саи «Единая Россия» партиясь.
Текень марто минь тейтяно вейкеть условият политической шумбра вийтнень, шумбра конкуренциянть виевгавтомантень. 5 иетнень перть республикасонть политической партиятне ламолгадсть колмоксть. Вадря ёнов полавтовсь КПРФ-нть, ЛДПР-нть, «Справедливой Россиянть» ды лия партиятнень важодемаст. Минь ёвтатано сюкпря весенень виде критиканть кисэ, ломантнень стакачист витематнень лездамонть кисэ.
Текень пингстэ мон кармавтан политической актививтснэнь виде диалогонь ветямонтень. А эряви валгомс популистской риторикантень, стяконь алтамотнес, политической эсесст лезэс весе масторонть туртов стакачитнень тевс нолдамонтень. Кортамс эряви политической панжадо куротнесэ, а пштилгавтомс аладямотнень ульцятнесэ ды площадьтнесэ».
В.Д.Волков истя жо тешкстызе кочкамотнес тевест вадрясто содыця наблюдательтнень анокстамонть эрявиксчинть.
«Россиянь Президентэсь В.В.Путин панжадо кортась западонь спецслужбатнень бажамодост пштилгавтомс политической ситуациянть. Минек аволь ялгатнень туртов течи пек вечкевить правань весе коламотне, пелькстамотне, сёвноматне. Политической бороцямонть, дебаттнэнь, общественной дискуссиянть эряви ветямс закононь лувсо, а коламс государствань ды обществань юронть, - тешкстызе Мордовиянь Прявтось. – Правань коламонь тевдеематнес, нарьгамотнес тердематненень питне кармить максомо правань ванстомань органтнэ.
Течи минек туртов прявтокс ашти, апак вано политикань ванновтнэнь, раськентень ды религиянтень кандовомантень, - Отечестванть уцясказо. Минек масторось, минек ломантне историянь башка шкатнестэ печтизь стакачитнень ансяк сень вельде, минь ульнинек вейсэ!
Тедеде топодить 15 иеть минек ёнкссо чачозенть, содавикс флотоводецэнть Федор Ушаковонь канонизациянть шкасто ды кемень иеть Саранскойсэ сонзэ лемсэ соборонть светямонтень.
Вадря, бути седе товгак карматано молеме вейсэ, ванстомо республикань виевгавтомань вийтнень, кемечинть – весементь, мезенть удалась саемс вейсэнь вийсэ меельце иетнестэ.
Ансяк истя минь тейсынек минек Чачома масторонть – Россиянть – виевекс, Мордовиянть – икелев молиця регионокс!
Ансяк истя минь анокстатано минек масторонть ды тиринь республиканть весе ломантнень туртов вадря эрямо!»
Форумонть лувсо тешкстазель, Мордовиясо васенцеде саизе нилеце тарканть Россиянь регионтнэсэ инновациянь виевгавтомань рейтингсэнть. Экономикань Высшей школань важодицятне анокстасть «Рейтинг инновационного развития субъектов РФ» аналитикань доклад. Сонзэ невтевкстнэнь коряс Мордовиясь саизе нилеце тарканть Россиясо. Ютазь иенть коряс теезь виев эскелькс икелев – 18-це таркастонть. Васенце колмо таркатнень саизь Татарстанось, Московось ды Санкт-Петербургось. Ветеце тарканть – Калугань областесь.
Республикась саизе васенце тарканть «Инновационная деятельность» невтевксэнть коряс, конась невти инновациянь теемань ды тевс нолдамонть.
МР-нь Общественной палатанть 10 иень перть важодемадонть доклад марто пшкадсь МР-нь ОП-нь сопредседателесь Валерий Юрчёнков.
«Республикань Общественной палатась теевсь социальной ёжонь «зеркалакс». Текень марто, сон кармась общественной од институтокс, конань арась икелепелев анокстазь важодемань аравтлувозо, секскак полады вешнеме икелепелень виевгавтомань од китнень вешнеманть, тенесэ нежеди эрицятнень ды общественной организациятнень маштомачист-содамочист лангс. Сонзэ важодицятнень мереви лемдемс васенцекс молицякс, секс мекс Россиянь субъектнэсэ сонзэ тарказо гражданской ламот структуратнесэ ловови лия ёнов амолицякс», - мерсь Валерий Юрчёнков.
МР-нь ОП-нь теемань историядонть ёвтнемстэ, Валерий Анатольевич ледстизе, васенце тердемастонть саезь те структурантень совасть общественной эрямонь весе ёнксонь важодицятне. 10 иетнень перть МР-нь ОП-нь важодемасонть примасть участия 137 ломанть, кототне эйстэст - Надия Азисова, Эвир Боксимер, Олег Каштанов, Александр Ломаткин, Анатолий Солдатов, Валерий Юрчёнков – ульнесть 5 тердематнесэ.
МР-нь Общественной палатантень совасть эрицянь башка слоень представительтне. Ламот эйстэст – содавикс общественной важодицят, конатне ламо тейсть республиканть лезэс, Трудонь Геройть, наукань, культурань ды искусствань заслуженной важодицят. МР-нь ОП-тень совить аволь коммерческой 83 вейсэндявкст.
«2006 иестэнть саезь важодеманть ванкшномсто, эряви тешкстамс важодемань прявт ёнксстнэнь: эрицятнень прваст ды ванновтомс ванстомась, гражданской обществань институтнэнь виевгавтомась, социальной законопроектнэнь, конат токить республикань эрицятнень мелест, общественной экспертизанть ютавтомась, гражданской инициативатненень лезксэнь явомась, общественной ванкшномань-проверямонь ютавтомась, - мерсь Валерий Юрчёнков. – Общественной палатань важодемань прявт ёнксокс ульнесь ды кадови ламо раськетнень ды конфессиятнень ютксо сэтьмечинь ванстомась, вейкень-вейкень чарькодемась».
Гражданской обществань виевгавтомань невтемакс ловови социальной лезксэнь явомань системась, конань ветить общественной организациятне ды вейсэндявкстнэ. Паро тевень топавтомань ёнксось максыть покш пертьпелькс эрицятнень инициативаст ды социальной шкинемаст туртов. Конат теить покш путовкс масторонь социальной политиканть топавтомантень ды ломантнень эрямост вадрялгавтомантень.
«Общественной палатанть кемень иень перть топавтозь тевтне невтизь, сон ловови гражданской обществань виевгадыця институтокс, конань юрсо пурназь социальной прявт тевтнень топавтомань редявикс маштомачить, ладязь вейсэнь важодема государственной властень органтнэнь, общественной организациятнень, бизнес-сообществанть, СМИ-нть ды эрицятнень ютксо», - мерсь МР-нь ОП-нь сопредседателесь.
Форумонть прядовомга кемекстазь резолюция, конасонть кортави: «Государственной органонь представителень весе органтнэнь сыця кочкамотнень каршо эряви кирдемс Россиянь Президентэнть В.В.Путинэнь курсонть ды государственной властень республикань органтнэнь лувост, конат важодить гражданской обществань институтнэнь виевгавтоманть лувсо. Минек виев важодеманть эйстэ аштить сентябрянь кочкамонь итогтне, ламосо - минек масторонть вандынь чизэ».

 
По теме
ИЗВЕЩЕНИЕ Администрация Ромодановского муниципального района РМ сообщает о приеме заявлений по предоставлению в аренду земельного участка из земель населенных пунктов,
ИЗВЕЩЕНИЕ Администрация Ромодановского муниципального района РМ сообщает о приеме заявлений по предоставлению в аренду земельного участка из земель населенных пунктов,
ИЗВЕЩЕНИЕ Администрация Ромодановского муниципального района РМ сообщает о приеме заявлений по предоставлению в собственность за плату земельного участка из земель населенных пунктов,
Информация о ситуации на рынке труда Республики Мордовия и мероприятиях по содействию занятости населения На 1 марта 2024 г.: В центрах занятости населения зарегистрировано 1 980 безработных граждан,
В рамках проекта «Земля для стройки» в Мордовии выявлено более 3,5 тыс. га для жилищного строительства Проект «Земля для стройки», запущенный Росреестром в 2021 году, позволил выявить более 80,6 тыс.
Сотрудники Росреестра Мордовии сдали на переработку батарейки Сотрудники Управления Росреестра по Республике Мордовия приняли участие в экологической акции и сдали на переработку батарейки.
Волонтеры Мордовского отделения Сбербанка провели Матч Дружбы по волейболу с воспитанниками Центра помощи детям, оставшимся без попечения родителей (Ялгинский детский дом).
Залог будущего урожая – качественные семена. Важнейшим фактором, стимулирующим повышение урожайности сельскохозяйственных культур, являются качественные семена.
СВЕДЕНИЯ об исполнении запросов социально-правового характера отделом муниципального архива администрации Ромодановского муниципального района Республики Мордовия Январь-февраль 2024 г.
СВЕДЕНИЯ об исполнении запросов социально-правового характера МКАУ «ОМВА документов по личному составу» Ромодановского муниципального района Республики Мордовия за февраль 2024 г.
В 2024 году Отделение СФР по Мордовии единое пособие назначило родителям более 8 500 детей Отделение Социального фонда России по Мордовии продолжает работу по назначению и продлению единого пособия.
ИЗВЕЩЕНИЕ О НАЧАЛЕ ВЫПОЛНЕНИЯ КОМПЛЕКСНЫХ КАДАСТРОВЫХ РАБОТ В отношении объектов недвижимого имущества, расположенных на территории кадастрового квартала: субъект Российской Федерации Республика Мордовия,
Более 700 семей Мордовии получают ежемесячную выплату из средств материнского капитала В Мордовии ежемесячную выплату из средств материнского капитала получают 715 семей.
Администрация Ромодановского района
В Мордовии прошла спецоперация «Анаконда» - ИА Медиа Ток Фото: Пресс-служба МВД по Республике Мордовия 28 марта. /MEDIA-TALK/.Ее цель - предотвращение и пресечение транспортировки наркотиков, оружия, других предметов или веществ, запрещенных к гражданскому обороту.
ИА Медиа Ток
Гепатит С - вирусное заболевание, которое может протекать в острой и хронической форме, притом частота хронизации этой инфекции очень высока: до 85% случаев.
Роспотребнадзор