Маласо шкасто морыцятне ды седицятне кенярдовтсызь кунсолыцятнень од моросо! Морамонь чокшнентень анокстамонь репетициясонть ульнинек миньгак. «Морденсэнь» од пусмосонть ёвтневи мирденень максомань койденть, косо сехте неявикс таркасо аштить од ломантне. Программанть лангсо анокстамось мольсь кувать, секскак морыцятне бажить весементь невтемс ансяк паро ёндо. Од СD-альбомонь невтемась сюлмазь Георгий Сураевень-Королёвонь композиторонть, эрзянь, мокшонь моронь пурныцянть лемензэ марто. Юрий Буянкинэнь прявтсо «Морденс» раськень оркестрань морыцятне-седицятне ютавтсызь од пусмонь невтеманть лия ёнов а молиця концертэнь-брифингень лувсо, конасонть эрьва ваныцянтень мереви максомс кевкстемат ды ёвтамс эсь арсематнень. «Морденсэнь» од моротнень дискесь анокстазь Масторлангонь пильгеоскань налксематнес сыця инжетнень туртов. А васенцекс од программанть марто теевить содавиксэкс минек ваныцятне. Мельстуиця чокшнесь юты чадыковонь 4-це чистэ эрзянь-мокшонь раськень драмань театрасо.
«Алужонь морот» лем ало пусмо анокстась «Морденс» раськень оркестрась! (ЭРЗЯ)
Источник: ГТРК Мордовия
30.03.2018 12:33