НУРЬКА ВАСТОВОМА

 

К илейкина велинень куринкатне кар-
масть ёмамо сэрей тикшенть потс. Ков
ие, тов седеяк ламолгадыть чаво кудотне. Ней уш ламотнень вальмаст чавозь лазсо.

Ансяк тунда, зярдо модась коськи, велесь аламодо вельми. Кизэ лангс ошсто сыть сыре ломантне, вишкинетне ардыть сырькаест-покштяст туртов.

Велень сэтьмечинть те шкане сеедьстэ колыть гайтев бибикстнематне. Ошсто автобуссо сыцятненень савкшны ютамс Груня бабань кудонзо икельга. Лембе чистэ сон кувать аштекшни озадо вальмало эзементь лангсо. Чоп зяро ломанть ютыть Груня бабань вакска, зняро шумбрачинь алтамот ёвтыть. Ломанькс путомась максы тензэ вий. Сырькаесь учи-кеми. Игорь цёразо армиядо мейле ансяк невтизе прянзо кудосо ды сеске тусь ошов. Килейкинансетне лиясто некшнесызь тосто, ёвтнить теде Груня бабанень – тонанень теяк кеняркс.

Течияк азоравась ливтизе Машка сеянзо оляв, содызе наронть лангс. Покш ваканс каясь ведь, кандсь якстерькай лопат ды озась вечкевикс тарказонзо, мельспаросо кармась ваномо сеянзо лангс. Машкадо башка, лия эриялганзояк улить: Васька тюжа псаказо чинь-чоп мартонзо аштекшни – кузи азораванзо ваксс, ёзы кедезэнзэ; перьканзо велить эрьва кодамо тюсонь саразтнэ ды толокс цитниця атякшоськак.

Варштавсь сырькаесь сеянзо пелев, редизе: тонань икеле ваканось чаво.

– Вай, Машка, тонь ведеть прядовсь, – теке ялганстэнь пшкадсь бабась.

Састыне таргась лисьмасто ведь ды каизе чаво ваканонтень. «Истямо псине ведесь курок эжи», – арсесь сон эськанзо.

– Груня, а Груня, оймак, сиземаяк а содат, – пшкадсь те шкане ваксканзо ютыця Матя баба. – Эно семият улевель…

– Тонсь содат, семиям кодашка, – ушодсь Груня баба. – Атянь таркас – сакалов сея, эйкакшонь таркас – тюжа псака, нуцькань таркас – атякш марто кемень саразт...

– Истямс истя, – нурькинестэ мерсь Матя баба.

– Тон ков истя сыргить?

– Ков, ков… Лавкав, – мекс-бути машнетезевсь Матя баба. – Оксана нуцькам таго ошсто сась, чоп кучи ламбамопель мельга. Ловсот, модамарть тенст а эрявить.

– Озак эно аламошкас, кенерят ярмакот ютавтомо, – поладсь Груня баба.

– Цёрат мекс-бути а некшневи, а марсеви, – лияв пурдызе кортамонть Матя баба.

– Иля кортаяк, ялгинем.

Апак учне каятотсь машинань бибикстамо.

– Оно микшницятнеяк, некак, ардыть.

– Сестэ капшак, васенцекс  улят, – Груня баба эзь карма кирдеме ялганзо.

Тона сеске эзь сырга. Стясь эземненть лангсто ды кармась ваномо сыця машинанть ёнов. Лушмов-лашмов кияванть се ардсь састо. Шкань-шкань кекшневсь кинть чирева касыця ломанень сэрьсэ кирмалавтнень-пиципалакстнэнь экшс. Мельганзо пулесь стенакс стясь.

Раужо покш машинась пурдась Груня бабань кудонзо пелев. Саразтнэ тандадозь сралесть луганть келес, псакась ношкстась пирев, сеясь истя кирнявтнезевсь, аламодо эзизе сезе пиксэнть.

Машинастонть лиссть сэрей, шумбра вете цёрат, пряст наразь, лангсост минень-сюнонь  оршамот.

– Вот моя деревня, вот мой дом родной! – пеедькшнезь мерсь вейкесь.

Груня баба, алятнень пелев варштазь, васня таймазкадсь, мейле серьгедсь:

– Серёжа! – ды капшазь сыргась цёранзо ёнов.

Коськаня кедьсэнзэ кутмордызе палманекс аштиця цёранть ды палыксэлизе.

– Ну что ты, что ты, – вадяштызе кутьмерензэ тонась.

Ялгатнеяк, прясост аволязь, шумбракстнесть сырькайтнень марто.

– Это твоя фазенда? – мизолдозь кевкстсь цёратнестэ вейкесь.

Сергей чатьмонсь.

– Что ж, зайдём, – мерсь омбоце ялгась.

– Адядо, адядо, совадо, – талномадонть сорныця вайгельсэ тердинзе Груня баба. Сонсь капшазевсь лиятнеде икеле.

– Озадо столь экшс, сеянь ловсодо каванятадызь, – яказевсь нупальганть азоравась.

– Ты чё, ваще, што ли! – керязь керизе цёразо. – Мы коровье не пьём, а ты козье предлагаешь...

Ялгатне мизолдозь ванкшность стенас понгавтозь фотографиятнень.

– Ба-а-а, Серёга, это, кажется, ты! – раказевсь вейкесь.

– Да, – нурькинестэ ёртсь тона.

– Варчинк розень кшим, – яла снартнесь каванямост Груня баба. – Тон, Сергей, эдь вечкилить ловсо марто розень кши. Паряк, кашине пидян?

Сырькаенть валонзо кияк эзинзе пандо.

– Ну, ладно, нам пора, – апак учо ёртсь Сергей.

– Удомояк а кадовтадо? – абунгадсь  Груня баба.

– Нет, дела, дела...

Ялгатне вейсэ лиссть ушов. Груня бабаяк калдор-кулдор чийсь мельгаст.

– Аштеде, куш умарть мартонк максан. Истят тантейть, кургозот солыть. Неть валтнэнь ёвтазь, азоравась напустясь пирев.

Матя баба яла аштесь озадо эзементь лангсо ды тей-тов кайсесь прянзо. Нуцькинезэяк кенерсь чиеме ваксозонзо, энялдсь сыргамс ламбамонь рамамо, ансяк тона прок эзь маряяк.

Аламо шкань ютазь Груня баба капшазь лиссь умарь марто. Эзь кенере кургонзо автеме, машинась ноцковтовсь таркастонзо. Икельга пацянь петне менсть сырькаенть кедьстэнзэ, ды умартне певерсть масторов. Машинась, чиремкшнезь-ёртневезь, ёматотсь пуленть потс, курок допрок кекшевсь пандыненть экшс. Груня бабань потс ваязь сельместэнзэ кснавокс певерсть сельведть. Цёразо тень эзь нее ды, нама, теде эзь арсеяк.

– Груня, иля аварде, – оймавтсь Матя ялгазо. – Оймак, оймак, сы курок, велявты...

Арась, тона эзь маря, сон чатьмонезь вансь се пелев, ков тусь машинась.

– Баба Груня, он у вас новый русский? – кевкстсь Матянь нуцьказо.

– Мезе-мезе? – эзь чарькоде Матя баба.

– Ну, крутой?

Сырькаесь эзь сода, мезе меремс каршо, сон васенцеде маринзе неть валтнэнь, ансяк чульть-чальть чарькодсь: те мезе-бути аволь вадря. Сельведьсэ валозь сельмензэ икеле яла аштесь цёранзо чачось. Арсеськак сондензэ. Мелявтсь: сы а сы сон курок одов; кода ней пачтямс тензэ пенсиястонзо таштазь ярмактнень; несы-арась куломадонзо икеле; а аштекшни чей тякинезэ вачодо...

«Верепаз, макст тензэ шумбрачи ды уцяска!» – мельга-мельцек зярыяксть ёвтынзе некеть валтнэнь сырькаесь.

 

Геннадий ГРЕБЕНЦОВ

 
По теме
спорт.JPG - Минсельхоз 16 сентября 2018 года в Рязани завершились VII Всероссийские соревнования по традиционным для России (национальным) видам спорта.
19.09.2018
В Саранске 20 сентября в ряде домов улиц Федосеенко, Терешковой и Пролетарская будет отсутствовать холодное водоснабжение - Администрация г. Саранск МП г. о. Саранск «Саранское водопроводно-канализационное хозяйство» сообщает, что 20 сентября будут проводиться работы по замене участка водопровода по ул.
19.09.2018
 
По уточненным данным Мордовского центра по гидрометеорологии и мониторингу окружающей среды - филиала федерального государственного бюджетного учреждения «Верхне - Волжское управление по гидрометеорологии и мониторингу о
19.09.2018
Владимир Сушков в Москве обсудил вопросы включения Мордовии в ряд федеральных проектов цифровизации - Вестник Мордовии     Председатель Правительства Мордовии Владимир Сушков в среду в Москве встретился с министром цифрового развития, связи и массовых коммуникаций России Константином Носковым.
19.09.2018
 
Следственное управление СК России по Нижегородской области обращается за помощью в поисках пропавшей несовершеннолетней девушки - Следственный комитет Следственным управлением СК России по Нижегородской области расследуется уголовное дело по факту безвестного исчезновения 16-летней девушки.
19.09.2018
Александру Кузнецову могли убить?! Фото: СК Следственным управлением СК России по Нижегородской области расследуется уголовное дело по факту безвестного исчезновения 16-летней девушки.
19.09.2018 Столица С
Когда-то Любовь Учаева (справа) снималась вместе с Николаем Рыбниковым (слева) и Ниной Дорошиной (вторая слева) Известная актриса последний раз приезжала на родину в Мордовию 5 лет назад.
16.09.2018 Столица С
Сергей Бордов, сам того не ведая, стал символом поколения 1990-х. Фото: ESP Памятник актеру и режиссеру Сергею Бодрову-младшему может быть установлен в Москве возле станции метро «Баррикадная»,
18.09.2018 Столица С
В Мордовии состоялись чемпионат и первенство республики по легкоатлетическому кроссу – спорт ЛИН - Министерство спорта 18 сентября состоялись чемпионат и первенство Республики Мордовия по легкоатлетическому кроссу среди спортсменов с интеллектуальными нарушениями (Спорт ЛИН).
19.09.2018 Министерство спорта
Отделение пропаганды БДД УГИБДД МВД по РМ сообщает о появлении нового функционала у камер автоматической фиксации нарушений Правил дорожного движения (ПДД), работающих в республике.
19.09.2018 Столица С
спорт.JPG - Минсельхоз 16 сентября 2018 года в Рязани завершились VII Всероссийские соревнования по традиционным для России (национальным) видам спорта.
19.09.2018 Минсельхоз
В Саранске 20 сентября в ряде домов улиц Федосеенко, Терешковой и Пролетарская будет отсутствовать холодное водоснабжение - Администрация г. Саранск МП г. о. Саранск «Саранское водопроводно-канализационное хозяйство» сообщает, что 20 сентября будут проводиться работы по замене участка водопровода по ул.
19.09.2018 Администрация г. Саранск
МП г. о. Саранск «Саранское водопроводно-канализационное хозяйство» сообщает, что 20 сентября будут проводиться работы по замене участка водопровода по ул.
19.09.2018 Администрация г. Саранск
  Управление Россельхознадзора по Республике Мордовия и Пензенской области, в соответствии с указанием Федеральной службы по ветеринарному и фитосанитарному надзору №ФС-КС-7/23004 от 17.09.2018 года,
19.09.2018 Россельхознадзор
  Специалистом отдела государственного ветеринарного надзора по Пензенской области Управления Россельхознадзора по Республике Мордовия и Пензенской области при проведении рейдового мероприятия в Земетчинском районе было выявлено,
19.09.2018 Россельхознадзор