Ютазь оймсема читнестэ эсест шкинемаст Саран ошонь культурань кудонь сценанть лангсо невтизь морыцят ды киштицят зярыя буетнестэ. Вейке чистэ кавто мокшонь буеть невтизь эсест шкинемаст морамосо ды киштемасо «Шумбрат, Мордовия!» фестивальсэнть. Зубово — Полянань буень эрицятне декоративно-прикладной шкинемань выставкасонть невтсть 370 роботат! Елизавета Лепаева мокшонь оршамопельть сты, викшни умок. А вана те пацянтень малав 130 иеть! Казне сырькаенть пельде.
Инсаронь буень эрицянть невтевксэнтень мель явсть нумизматтнэ. Вадим Сыроватский образованиянь коряс химик, 25 иеде ламо мель яви ярмаконь пурнамонтень. Коллекциясонзо 50 тежадо ламо кшнинь ярмакт. Зубово — Полянань буесь эрицятнень ламочист коряс кандови покштнэнь ютс. Концертной программасонть — 15 поселеният. Буенть эйстэ те ансяк пелезэ!
Пелькстыцятне ютасть кочкамот буесэст ютавтовиця фестивальтнесэ. Сынст эйстэ ульнесть кото. Алексей Яшунин лови прянзо ансяк ушодыця морыцякс, фестивальсэнть пельксты омбоцеде.
22-во номерт: морот, стихть, киштемань композицият ды весе те вейке темас! Сех виев морыцятненень ды седейс токиця стихень ловныцятненень цяпамот ваныцятнень пельде.