КОДА ЮТАСЬ ТЕЛЕНЬ СЕЗОНОСЬ?

Неть читнестэ Мордовиянь Высшей спортонь мастерствань школась пурнакшнось вастовома. Журналисттнэнень ёвтневсь, кода ютась 2014-2015 иетнень телень спортонь сезонось. Вастовомасонть ульнесть МР-нь ШВСМ-нь прявтось Михаил Храмов, Россиянь заслуженной тренерэсь, масторонь спортонь сборной команданть резервань коряс тренерэсь Николай Седов, МР-нь Соксонь спортонь федерациянь президентэсь Олег Чавкин, спортонь заслуженной мастерэсь, командной спринтсэ Олимпийской налксемань бронзань призерось, мирэнь чемпионось Алексей Петухов ды Мордовия Республикань сборной командань члентнэ.

Кода тешкстызе МР-нь Высшей спортивной мастерствань школань прявтось Михаил Храмов, ютазь сезонось сокссо кирякстницятнень туртов ульнесь стакакс ды эрьва кодамо мероприятиянь коряс сюпавокс. Мордовиянь командастонть кавксо спортсментнэ невтизь Россиянть масторонь первенстватнесэ ды чемпионаттнэсэ, телень масторлангонь Универсиадасонть. Алма-Атасо ютавтовиця масторонь первенствасонть кавксть призёрокс лиссь Анастасия Седова. Вете казнеть телень Универсиадастонть усксть Валерий Гонтарь ды Рауль Шакирзянов. Теде башка, Алексей Петухов вейсэ Никита Крюков марто сайсть «сия» командань спринтсэнть Швециясо ютавтозь масторонь чемпионатсонть. Алексей вадрясто прянзо невтизе масторонь Кубкань этаптнесэяк. Мордовиянь сокссо кирякстницятне вадря ёрокчи невтсть Россиянь первенстватнесэ ды чемпионаттнэсэяк. Целанек ютазь сезонстонть командась сайсь 21 медаль.

Теке марто вастовомасонть  Россиянь заслуженной тренерэсь, масторонь спортонь сборной команданть резервань коряс тренерэсь Николай Седов, конась икеле топавтсь сокссо кирякстнемань коряс Мордовиянь команданть прявт тренерэнь тевтнень, тешкстызе, республикасонть касы вадря смена течинь сокссо кирякстницятненень.

– Мон покш мельсэ ёвтаса, ютазь сезонстонть сокссо кирякстнемасонть минь теинек покш эскелькс икелев. Ды те седе пек редяви командантень аволь умок сазтнень ютксо. Истя, Инга Киселева, Александра Трофимова, Карина Дудоладова, Юлия Рыжонкова, Игорь Федотов ды лиятне, покштнень ёрокчист лангс ванозь (Петуховонь, Мальцевань, Седовань, Шакирзяновонь), сезононть ютавтызь пек парсте, – мерсь Николай Евгеньевич.

Вастовомась прядовсь Почётной грамотань ды Благодарностень явшемасо. Теде мейле спортонь заслуженной мастерэсь, командной спринтсэ Олимпийской налксемань бронзань призерось, мирэнь чемпионось Алексей Петухов ютавтсь мастер-класс Инсаронь, Чаунзань, Рузаевкань ды Саранскоень ушодыця спортсментнэнь туртов.

– Мон пек парсте содан, мезе те эйкакшонть туртов неемс содавикс спортсментнэнь. Кеман, паряк, сядот эйкакштнестэ куш кементненень те карми паро невтемакс, – мерсь Алексей Петухов.

Ю.Еремина

 

 

Экспертное злоключение - Столица С Перед Пролетарским райсудом предстал 35-летний сотрудник Республиканского бюро судебно-медицинской экспертизы Евгений Талышкин.
Столица С
56-ZwtMWG4A - Национальная библиотека им. А.С. Пушкина 27 марта сотрудники Национальной библиотеки им. А. С. Пушкина Республики Мордовия приняли участие в занятиях, которые прошли в рамках программы курсов повышения квалификации «Современная библиотека:
Национальная библиотека им. А.С. Пушкина