КОЧКИЗЬ СЕХТЕ ВАДРЯ ТОВАРТНЭНЬ

Аволь умок «Мордовский ЦСМ» ФБУ-сонть ютавтовсь «Лучшие товары Мордовии» республикань пелькстамонть васенце этапось. Колмо чинь перть комиссиясь карми ванномо сехте вадря товартнэнь ды услугатнень. Те иестэнть «Лучшие товары Мордовии» республикань конкурсонтень каязель 121 яволявтома Мордовия Республикань 50 предприятиятнень ды организациятнень пельде. Кода тешкстызе МР-нь Промышленностень, наукань ды од технологиянь министрась А.И.Седов, пелькстамось ютавтови уш 18 иень перть, ды эрьва иестэнть сонзэ лувс совавтовить кодаткак од ёнкст, полавтомат.

– Весе неть иетнень перть те пелькстамось саизе эсь тарканзо. Мордовиянь товартнэ ды услугатне кармасть седе вадрят, ды вана уш зяро иеть сынь изнить «100 лучших товаров России» пелькстамосонть. Теке марто конкурссонть эрьва ие примить участия од предприятият ды организацият, – мерсь Александр Седов.

Бути жо кортамс полавтоматнеде, икеле иестэнть, мертяно, пелькстамосонть изницятнень лемс анокставсть буклетт, ды сынь кучневсть шабра регионтнэва, штобу минек республикань сехте вадря товартнэнь содавлизь тосояк.

Нейгак совавтозельть зярыя полавтомат. Товартнэнь лангс питнень максома лувось кармась лия. Комиссиянь члентнэ вадря ёнкстнэнь тешкстыть 10 вановтонь коряс. Теке марто комиссиясь ваннось аволь ансяк ярсамопелень ды промышленной товартнэнь, истя жо эрицятненень максовиця услугатненьгак. Кода мерсть комиссиянь члентнэ, пелькстамосонть изницятне невтьсызь республиканть «100 лучших товаров России» Весероссиянь конкурссонть. Теке марто комиссиянть важодеманзо ушодовомадо икеле «Мордовский ЦСМ» ФБУ-нь прявтось С.И.Мунтанилов кармавтсь комиссиянть башка мель явомс «Товары Мордовии» тешкс марто продукциянтень. Кода содатано, те тешксэсь путови Мордовиянь сехте вадря продукциятнень лангс. Ды кода мерсь Сергей Иванович, те продукциясь алкукс вадря.

 

Ю.Еремина

 

 

JPG Файл - ОМВД Республики Мордовия ММО МВД России «Темниковский» устанавливается местонахождение Киселева Эдуарда Алексеевича, 1970 года рождения, который с 1 марта текущего года не выходит на связь с родственниками.
ОМВД Республики Мордовия
В Мордовии отметили День кукольника Артисты Театра кукол Мордовии отметили свой профессиональный праздник – Международный день кукольника.
Газета Мордовия