Эстониясо ютась «Сугрифест» фестивалесь (ЭРЗЯ)

Коень коряс, зярыя иень перть ожоковсто тешкставить финнэнь-угрань раськетнень читне Россиясо, Венгриясо, Эстониясо ды Суоминь масторсо. Тедиде «Сятко» эстононь-эрзянь вейсэндявксонь прявтось Наталья Абросимова тердезель Тампере ошов «SUGRIFEST» фестивалентень, конась алтазель финнэнь-угрань раськетненень. Фестивальсэ ульнесть эстонецт, карелт, марить, удмуртт, финнт ды лия раськень ломанть. Наталья Абросимова ёвтнесь эрзятнеде, кезэрень оршамотнеде ды морась зярыя морот. Мартонзо усксесь эрьва кодат эрзянь шкинемапельть:  Пётр Рябовонь ды Василий Ширманкинэнь чувтосто керсевксэст; ловномапельть, викшневкст ды ламо лия мезе. «SUgrifest» фестиваленть теицясь-анокстыцясь – «Suomi-Venäjä-Seuran Länsi-Suomen piirijärjestö» финнэнь-угрань вейсэндявксось, конась истя жо яви мель Россиянь финно-угрань раськетненень. Сонзэ прявтось – Рику Савонен. Кода тешкстась Наталья, финнэнь-угрань раськетнень читнесэ сон теевсь содавиксэкс Йовлань Олонь умонь ялганзо – Микко Киийо седицянть марто. Сон ёвтнесь, кода Оло сашкнось тензэ инжекс 1990-це  иетнестэ. Сынст кавонест сюлмась нудейсэ седямось. Неень шкасто Микко – вейкине ломань Суоминь масторсо, кона седи нудейсэ, кода минек «Торама» фольклоронь ансамблясь.

JPG Файл - ОМВД Республики Мордовия ММО МВД России «Темниковский» устанавливается местонахождение Киселева Эдуарда Алексеевича, 1970 года рождения, который с 1 марта текущего года не выходит на связь с родственниками.
ОМВД Республики Мордовия
В Мордовии отметили День кукольника Артисты Театра кукол Мордовии отметили свой профессиональный праздник – Международный день кукольника.
Газета Мордовия