Н.П.Огарёвонь МГУ-ть строительнай факультететонц эса эрь кодама кизотнень эзда тонафнесть Мордовиянь Оцюнясь Владимир Волков, Республикань Правительствать Председателец Владимир Сушков и лия лама содаф ломаттне. Тяниень пингонь деканоц Владимир Ерофеев оцю мяль шарфни строительствань наукать сембе пяльксонзон лангс. Вяти теоритическяй и практическяй покодема. Лама вийда путни эрь кода изобретениянь разработкатненди. А къда ваномс эряфонь кинц, то кода сонць азондсы: строительствань тевть колга арьсеманза мъзярдонга ашельхть .Ся пинкнень эзда ётась лама пингта и факультетсь кунара ни арась тейнза омбоце кудокс. Профессорско-преподавательскяй коллективонц инголи сон путсь задача: тонафнихне улельхть аньцек васенце вастса и сембе содамошитне макссемат тейст, аньцек тяфта ули кода нолдамс афкуксонь специалист. Штоба покодемать вятемс сяда эрекста и аф ладендомс фталу тяниень пингонь технологиятнень эзда Владимир Ерофеев полафни опытса лия масторонь специалистнень и учёнайхнень мархта. Тя кизоть эзда Владимир Ерофеевонди максфоль Российскяй архитектурань и строительнай наукатнень коряс академиять академиконь лемсь. Ваномок профессорть казнянзон лангс, сонь ули кода путомс кепотьксонди од поколенияти. Мокшень алясь мъзярдонга аф юкснесы эсь шачема-касома кяленц и тя пяк пара. Сай пингти Владимир Ерофеев ваны палы сельмоса, сяс мес сонь нинге лама мяленза и арьсеманза, конатне эрявихть сувафтомс эряфс. И ули кода азомс республиканьконь лемоц ушеды фалу кайгома, къда сонь эсонза ушедыхть покодема тяфтама тевонь кельги ломатть.
«Покоди ломань» проектсонок азонттама ломантть колга, конань эряфоц кемоста сотнеф строительствань тевть мархта. (МОКША)
Источник: ГТРК Мордовия
15.01.2018 17:46